[dropcap]А[/dropcap]ьрасатнал промышленниктуралгу, ишбажаранчитуралгу «Иш-бажарданул Аьрасат» («Деловая Россия») тIисса жяматийсса сакиншиндаралгу билаятрал хьхьичIунми университетирттащал хIала-гьурттуну дуллай бур «На — профессионалла» тIисса студентътурансса олимпиада.

Му дуллалиссар жагьилтуран цалва пишалул даража, давурттал бюхъу-тяхъалул, усттаршиврул хIал кIул баншиврул, миннуву хьхьичIуннайшивуртту хьун даншиврул ва захIматрал рынокрай цанмасса зузи кIанттурду лякъин бюхъаншиврул.
Олимпиадалий гьуртту хьун бюхъантIиссар вузирдал лавайми курсирдал студентътураща, бакалавриатрал, специалитетрал ва магистратуралул студентътураща.
2017-2018 шиннардий олимпиада хьунтIиссар 27 сянатрал ххуллий, экономикалия ва хIакиншиврия тIайла хьуну, фотоникалийн ва геологиялийн биянцIа.
Олимпиадалий ххув хьуминнахь ихтияр дикIантIиссар магистратуралийн ва аспирантуралувун буххан, миннал цIарду ласунтIиссар «Жагьилсса пишакартурал» кка­ккиярттал Национал базалийн, ми гьан бантIиссар цалва пишалул даража лавай буван Аьрасатнал яла хьхьичIунми компаниярттайн.
Олимпиадалия гьар­за-гьартану кIул бан бю­хъантIиссар, WWW. yandex.ru/profi тIисса сайтравун бувххун.