Ччянива АхIмад-Хан Абубакардул чирчусса «Снежная свадьба» тIисса повестьрал сценариялийн бувну жула Дагъус­ттаннай ларсун диркIссар кино. Гиву гьуртту хьуссар бунияласса цала касмулий ГАИ-лул инспектор, Дюкъуллал шяравасса Ссапар (фамилия дакIния дурккун дур). Ссапар Дарбантлив яхъанайгу, зийгу икIайссия. Уссия хъинну цалла даву ххирасса, ххуллул низам зия дурма цукунчIав багъишла къаитайсса, кьянкьа­сса, амма дакI хъинсса лаккучу. Аьпа баннав цал.

ХIажимурад ХIусайнов
Жунма муданмагу ччан би­кIай тарихраву личIлачIисса иширттаву жулами инсанталгу гьуртту хъанай. ЦIана Дагъус­ттаннай ласлай бур Москавуллал режиссертурал Дагъусттаннал тарихраву агьамсса кIану бувгьусса Имам Шамиллун хас дурсса художествалул зумунусса киносурат. Ва киносуратраву гьуртту хьунни Ккуллал райондалул культуралул зузалтгу. Ккуллал райондалул культуралул отделданул каялувчи Ибрагьимова Маринал бувсуна ттухь:
— Ккуллал райондалул культуралул зузалт гьуртту хьуссар, таксса Имам Шамиллул кулпат­ращалсса сценардаву бакъассагу, массовкалийгу. Кино ласласисса кIантту сакин бувну бия Буйнакск шагьрулий. Гикку бия цайми районнаятуссагу инсантал. Ялугьланну кино дукканнин.