КкаччицIун бавхIуссагу, къабавхIуссагу

Биологиялул дарсирай учитель:
— ОьрчIрув, бусияра, гьивчру ци чIумал бивттуну хъинссар?
Аьли:
— Август зуруй, гъинтнил ахирданий.
Кьурбан:
— Ссуттихунмай.
МахIаммад:
— ЧIаххуврал ккаччи бавхIусса чIумал.

* * *
— ЦIушин ттун ттула щарнил ниттиха лащай: дучIантIиссар, ина му хьунадаркьунугу, къахьунадаркьунугу…

* * *
Гъи…Дуснакь… Ца дуснакьлув цаманачIан кьутIа тIий:
— Да, изу. Барча вил ЦIусса шин!
— Да, ина ци цIусса шин тIий ура, кьатIув гъи, кIиришиву.
— На дахьа допросрая най ура, следовательнал вин ца шин ххи дурунни…

* * *
ЦIушинал ссупралух:
— Да, ина гьарца рунка гьаз байтари, яру лакьлай циван ура?
— На щарссанихьхьун махъ буллуссия цIусса шинаву рункалух я къабитан.

* * *
Инсантурал пикри-хиял бикIай декабрьданул 31-нний «цIусса оьрму» байбишин, амма 1-мур январьданий чIявуминнал хIал къабикIай «бухмур» оьрмувагу бачин бувансса…

* * *
Тяхъасса бавкьусса кулпат. ЦIушинал хьхьичIсса гьантрай дачалий. Байрандалийн хIадур хъанай, чIавахьулттив шюшлай, къатта лакьлай, тихун-шихун занай. Ца ппурттуву миннал ккаччи бувкIун бур, ххутIах чIаххуврал кроликгу бувгьуну. Ццаххандарал хьуну бур вай: цуппа кIяласса, вичIив лухIисса яла ххуймур кролик, цу­ппагу дазул кьатIату ххирану машан лавсъсса, цала ккаччил ххюр­хху бувну бувкIукун. Бан-бит цамур бакъа, чапур хьусса кролик миннал, шампуньдалийгу шювшуну, фендалух кьакьангу бувну, чIаххувчунан хIисав къахьунну, махъунмай клеткалуву бивхьуну бур. Цаппара хIаллавун чIаххувчу увкIун ур, чIиранияр кIялагу лавгун:
— ХIан дурив зучIа?
— Дур.
— БуцIара ттун ца…
— Хьумур цир, чIаххувчу?
— Лахьхьу ттунма яла ххирамур, яла исвагьимур кролик чапур хьуну, шичча арх бакъа бувччуссия. ХIакьину урувгра: цичIав къавхьу­сса кунма, кIялава-кIялану, марцIва-марцIуну, пархгу бивкIун, клеткалуву шанай лявкъунни…
ХIадур бувссар
Бадрижамал Аьлиевал