[dropcap]Н[/dropcap]оябрь зурул 30-нний Ваччавсса культуралул къатрал залдануву хьунни райондалий цалчин хьусса наркотикирттайн къаршисса форум.
[dropcap]Ш[/dropcap]икку гьуртту хьунни райондалул бакIчинал хъиривми – Чаринов МахIаммад, Чупанов Адам, культуралул зузалт, школарттал директортал, шяраваллал каялувчитал,дуклаки оьрчIру, идарарттал вакилтал.
[dropcap]Г[/dropcap]ьуртту хъанай бия мукунма Ккуллал ва Лакрал районнал дянивсса прокурор Дандамаев Хумарбек, «Лакский» полициялул хъунама Амиров Юсуп, УО-лул каялувчи ХIаммакуева Альбина, райондалул азарханалул хъунама хIакин Сулайманов Сулайман ва цаймигу къуллугъчитал.
Форум тIивтIуна Ккуллал райондалул вивсса политикалул отделданул каялучи Хизриев Шамххаллул. Ванал кIицI бувна цукун агьамсса ишну хъанахъиссарив жяматран ва инсантуран цанна цалла ласласисса «азарданийн» къарши бацIаву, наркотикру ишла буллалими «жагьил» хъанай бушиву. Хъирив махъ лавхъуна Чаринов МахIаммадлул.
— Жулла республикалий дянивну наркотикру ишла буллалиминнан дусса дур 15-17 шин. Къизлардал шагьрулий ур, наркотикру ххи хьуну, 11 шинавусса оьрчI ивкIуну. Аьрасатнал Федерациялий шинал мутталий литIлай бусса бур 30 азаруннийн бивсса инсантал наркотикирттал цIуцIавуртту багьана хьуну. Жула Дагъусттаннай бур наркотикру бахлай биривсса хъами дуснакьравун багьлай. Му жунма начсса затну хъанахъиссар. Мунияту жува оьрчIру кIункIу буллан аьркинссару спортрачIан, жяматийсса давурттачIан. Жула шяраваллаву заллу акъасса къатравун батIлай бур мукунсса иширттахун багьсса оьрчIру. Му къакIулну бакъахьунссар шяраваллал бакIчитуран, — увкунни ванал.
Форумрай цала-цала пикрирду кIибавчIуна ва дуван багьлагьисса давурттал хIакъиравусса ихтилатру бувна ХIаммакуева Альбинал, Амиров Юсуплул, Дандамаев Хумарбеклул, Сулайманов Сулайманнул, райондалийсса спортшколалул директорнал хъиривма Кьурбайтаев Ажувлул, Хъусращиял шяраваллил бакIчи ХIажиев Эдуардлул, Вихьуллал школалул директор МахIаммадов Аьлиллул. Форумрал ахирданий цинявннал икьрал дурна цачIу зун. Мукун дакъа ва «цIуцIаву» арх дан къабюхъаншиву цинявннан бувчIуну бия.
