Декабрьданул 18-нний Дагъусттан Республикалул БакIчи Владимир Васильевлул къулбас дунни «О награждении государственными наградами Республики Дагестан» Указрай.
[dropcap]М[/dropcap]унийн бувну, культуралуву чIярусса шиннардил мутталий бувсса захIматрахлу «ДР-лул культуралул лайкь хьусса зузала» тIисса цIанин лайкь хьунни МахIачкъалаллал шагьрулул оьрчIал искусствалул 5-мур школалул педагог Карина Марданова. Ванил ученицахъулли НТВ каналданийсса «Ты супер!» цIанилусса музыкалул шоулул финалистка Карина Исмяилова ва «Дагъусттаннал вирдакI» премиялул лауреат Алина Баранова.
Мукунна бусравсса цIарду дуллунни Б. Мурадовал цIанийсса Дагъусттаннал культуралул ва искусствалул колледжрал дарсдихьулт Фарида Аьшураьлиеван, Мурад Умалатовлун ва ДГУ-лул клубрал сакиншиндарал каялувчи МахIаммад МахIаммадовлун.
Бадрижамал Аьлиева
