[dropcap]Я[/dropcap]лун нанисса шинал мартрал 22-нний 90 шин бартлагантIиссар Гъумучиял школалий математикалул дарс дирхьусса никиран тачIав дакIния къауккантIисса,Заннала ляхъан увсса педагог, Дагъусттаннал лайкь хьусса учитель, Читтурдал шяравату­сса Маммаев Нураттин МахIаммадлул арснан.

З. АьбдурахIманова
1949 шинал Гъумучиял школагу мусил медальданий къуртал бувну, Нураттин дуклан увхссар Москавуллал паччахIлугърал университетравун механико-математикалул факультетрайн. Гихунмайсса цала оьрмугу мунал хас бувну бур цува дуклай ивкIсса Гъумучиял школалун.
ДакIния къауккайсса учительнал аьпа абад бан, Гъумучиял школалий мунал аьпалул улагу тIиртIуну, лахъа-хъунну юбилей кIицI лагансса пикрилий бур ванал дарс дирхьуми, архIал зий бивкIми ва ванащал дусшиву дуллай бивкIми.
Сакиншиндарал комитет тавакъюрай бур Нура­ттин МахIаммадовичлул дарс дирхьуминнахь, архIал зий бивкIминнахь ва кIулминнахь, зула учитель дакIнийн утлатисса аьпалул махъ чивчуну, «Илчилийн» тIайла буккияра тIий.
Аьркинмур цIуххин, кIул бан бюхъантIиссар «Илчилул» редакциялийхчин ягу ва номерданий: 8-928-500-42-94.