[dropcap]О[/dropcap]ктябрьданул 27-29-нний Таджикисттаннай юниортурал дянив хьусса лачIун буккаврил дунияллул халкьуннал турнирданий ххув хьунни Хасавюртлив олимпий луртаннал училищалий лахьлахьисса 4 чIава жагьил.
ХIасан Аьдилов
[dropcap]Б[/dropcap]яст-ччал хьуссар Худжанд шагьрулий, 5 билаятрал лачIунбуккултрал дянив: Аьрасатнал, Таджикисттаннал, УзбакIисттаннал, Къиргъизнал ва Авгъаннал.
Чурххал мукьра кIушиврий мусил медаллу ларсунни дагъусттанлувтурал, 55 ва 60 килордал кIушиврий чемпионтал хьунни Хасавюртлив лачIун буккан лахьлахьисса Таджикисттаннал лачIунбуккулт МухIаммадхон Мухидинзаде ва Мусттафахон Юлдашев. 66 килорал кIушиврий ххув хьунни жагьилтурал дянив Европанал чемпион хьусса АьппасхIажи МахIаммадов, 96 килорал кIушиврий – юниортурал дянив дунияллул чемпион хьусса Шамил Мусаев.
