Дагъусттаннал БакIчинал кIанайма Владимир Васильевлул ка чирчунни Владимир Иванов Дагъусттаннал БакIчинал ва ХIукуматрал администрациялул каялувчинал къуллугърай итаврил хIакъиравусса хIукмулий.
[dropcap]В[/dropcap]ладимир Васильевич Иванов увссар 1971 шинал Москавлив. Къуртал бувссар Санкт-Петербургуллал Аьрасатнал Федерациялул Виваллил иширттал министерствалул университет ва Аьрасатнал Федерациялул ПрезидентначIасса халкьуннал хозяйствалул ва паччахIлугърал къуллугърал академия. Хъанай ур паччахIлугърал ва муниципал управлениялул магистр.
ЛичIи-личIисса шиннардий зий ивкIссар «Единая Россия» партиялул Генеральный советрал Президиумрал секретариатрал маслихIатчину, ПаччахIлугърал Думалул Председательнал хъиривчунал секретариатрал каялувчину, ПаччахIлугърал Думалуву «Единая Россия» партиялул фракциялул аппаратрал каялувчину.
Владимир Иванов къуллугърай итаврил хIакъираву Владимир Васильевлул увкунни: «Владимир Валерьяновичлул цува ккаккан увунни мюнпатну зузисса управленец хIисаврай. ДакI дарцIуну ура мунан паччахIлугърал властьрал система хъинну кIулну душаврий, чIярусса шиннардий къуллугъчитуращал ва депутатътуращал хIала-гьурттуну зузаврия Дагъусттаннан мюнпат хьуншиврий».
Уттинин мува къуллугърай зий ивкIсса Исмяил Ибрагьимович Апанниев ивтунни ДР-лул БакIчинал ва ХIукуматрал администрациялул каялувчинал хъиривчуну.
ХIадур бувссар
ХI. Аьдиловлул
