[dropcap]О[/dropcap]ктябрьданул 26-нний МахIачкъалалив хьунни ДР-лул Халкьуннал Мажлисрал 13-мур сессия. Му бачин бувну ия парламентрал спикер Хизри Шихсаидов.
[dropcap]Х[/dropcap]Iасан Аьдилов Депутатътурал ххал бивгьунни сайки 30-ксса масъалартту. Миннувух бия дакьаврил судиятал битаву, ДР-лул законнал проектру ххал дигьаву ва цаймигу. Сессиялий ххал диргьунни «Дагъусттан Республикалий вацIрал арарду цалийн дуцаврил хIакъираву» тIисса ДР-лул Закондалуву дахханашивуртту давриясса» ДР-лул закондалул проект, «Дагъусттаннай цIа дурксса ишккаккултрал, хIурматрал цIардан лайкь хьусса инсантурал, мукунма тарихрал иширттал цIарду абад даврил хIакъираву» тIисса закондалул проект, «ДР-лий туристшиврул иширттал хIакъираву» тIисса ДР-лул Закондалуву дахханашивуртту давриясса» ДР-лул закондалул проект ва цаймигу проектру. Депутатътурал цалчин дуккаврийну ххал диргьунни Каспийск шагьрулул дазурдаву ТОСЭР-данул резидентътурал хIакъиравусса закондалул проект. Му закондалул проект депутатътурал хьхьичIун ларсун дур ДР-лул БакIчинал кIанайма Владимир Васильевлул. Депутатътурал вичIи дирхьунни ДР-лул шяраваллил хозяйствалул ва бакIлахъиялул министрнал кIанайма Каримхан Аьппасовлул республикалий «Мюнпатсса АПК» тIисса приоритетсса проект дузрайн дуккан даврил хIакъиравусса отчетрах.
