[dropcap]О[/dropcap]ктябрь зурул 13-14-нний Москавлив ва МахIач­къалалив увгьунни Аьрасатнаву къадагъа дирхьусса террорис­турал организациялул – ИГИЛ-данул чул бувгьусса мукьа инсан.

Вай мукьагу Дагъусттаннаясса ур, цивппагу республикалий терактру дан дакIний бивкIун бур. Вай мукIру хьуну бур ИГИЛ-нул эмиссартуращал дахIаву диркIшиврий, мукунма цивппа республикалий чIявусса халкь бавтIсса хъунисса мероприятияртту дуллалисса кIанттурдай терактру дан, ихтиярду дуру­ччай органнал зузалт ва аьралитал оьрмурдацIа бан хIадур хъанай бивкIшиврий.
Мугьлат бакъасса ххалбигьавуртту дурну, МахIачкъалалив лявкъуну бур къачагътурал ярагъ лабивтсса кIива кIану. Ми­кку ляркъуну дур пIякь учин дан хIадурсса шанна зат. Ва иширал хIакъираву силистталул органну уголовное дело сукку дан пикрилий бур.
ХIадур бувссар
А. Аьбдуллаевал