[dropcap]Г[/dropcap]ъинттулсса оьрчIал каникуллал зурдардий МахIач­къалаливсса «КьатIаллил мазру лахьхьин байсса центр» тIисса идаралул Ваччиял школалийхIасул бувну бия Ккуллал райондалийсса школарттай ингилис мазрал дарс дихьлан­сса учительтал хIадур буллали­сса курсру.

КIулшиву дулаврил министерствалул баян був­сса куццуй, 2020-ку шинал школа къуртал буллалисса оьрчIан дулун багьантIий бусса бур ингилис мазрал ЕГЭ. Муниннин хIадуршинна дикIаншиврул хIадур буллай бивкIссар вай учительтал. Курсирдай дуклай ивкIссар 18 учитель.
Сентябрьданул 25-нний курсру къуртал бувсса учительтуран сертификатру дулун бувкIун бия райондалийн вай курсирдал директор Игдиян Хишам ва дарсру дихьлай ивкIсса Авад Хамадах. Хьуна шикку учительтурал кIулшиву ххал дуллалисса ингилис мазрайсса ихтилатру. Цила ихтилат УO-лул каялувчи А. ХIаммакуевал бувна оьрус мазрай ва ингилис мазрай. Ва ишгу курсирдал каялувчитуран ххуй бивзун, хъатру ришлай бия. Махъ лавхъуна мукунма райондалул бакIчинал хъиривчу Илиясова Сабриналгу. Сертификатру дуллуну махъ ванил райондалул бакIчинал чулуха курсирдал хъунама Игдиян Хишамлун дуллуна ХIурматрал грамота.
Сертификатру дулаврил мажлис лавгуна тяхъану, ингилис мазрай кувннащал кув хъярч­ру буллай. Умуд бур мукунма жула оьрчIан вайннал ххуйну ингилис маз лахьхьингу буллан­ссар тIисса.
ХIажимурад ХIусайнов