МахIмуд Аьппаслул ДГМУ-рал ректорнайн барчаллагьрал чагъар тIайла бувккун бур

Дагъусттаннал паччахI­лугърал медициналул уни­ верситетрал ректор Сулайман Маммаевлуйн награда хIисаврай барчаллагьрал чагъар бувкIунни Палесттиннал паччахIлугърал президент МахIмуд Аьппаслуяту,Палестиннан хIакинтал хIадур баврил ххуллий був­сса захIматрахлу. Сулайман Маммаевлун награда дуллунни 4-мур курсирал студент Альхараз АхIмадлул октябрьданул 17-нний хьусса ДГМУ-рал Аьлимтурал советрал батIаврий. Му батIаву хас дурну дия университетран 85 шин шаврил юбилейран.


ХIасан Аьдилов
Даггосмедуниверситетрал 1987 шиная шинмай хIакинтал хIадур буллай бур цайми билаятирттан. Уттинин хIадур увну ур 1 азаллий 150 медициналул пишакар цайми билаятирттан хасну.

ЦIанасса ппурттуву вузраву дуклай бур 28 билаятраясса студентътал: Авгъаннава, Арманинава, Палесттинная, Индиянава, Иорданиянава, Нигериянава, Иракьнава, Яманинава, УзбакIисттанная, Азирбижанная, Гананава, Къазахъисттанная, Украинная, Замбиянавату, Конгонава, Гуржиянава, Туркманисттанная, Суданнава, Молдованава, Вьетнамнава, ЮАР-навату, Бениннаяту, Лаоснавату, Экводордавату, Набибиянавату ва цаймигу билаятирттаяту.
1987 шиная шинмай Дагъус­ттаннал медициналул университет къуртал бувну бур Палестиннал 50-ннаяр ххишаласса инсантурал. ХIакьинусса кьинигу дук­лай бур мува билаятраясса 30-ллихъайсса студентътал.