Октябрьданул 6-нний Къумукьнал театрдануву, муниннин гьантрал хьхьичI щалагу Аьрасатнаву кIицI ларгсса Музыкалул кьинилун ва Дагъусттаннай ацIийлчин хъанахъисса дунияллул халкьуннал дянивсса музыкалул «Порт-Петровскаллал Ассамблеяртту» фестивальданун хасну хьунни культуралул ва искусствалул зузалтран паччахIлугърал наградартту дуллалисса батIаву. Наградартту дуллай бия ДР-лул культуралул министр Зарема Буттаева.
Республикалий ва мунил кьатIув цIарду машгьурсса зузалт ва кьини, культуралул ва искусствалул аралуву чIярусса шиннардил дянив бувсса захIматрахлу, лайкь хьунни медаллан, ДР-лул ХIурматрал грамотарттан, «ДР-лул лайкь хьусса артист» цIардан, ДР-лул БакIчинал цIа кусса ссятирдан, ДР-лул Культуралул министерствалул чулухасса ХIурматрал грамотарттан ва Барчаллагьирттан.
Гихуннай «Порт-Петровскаллал Ассамблеяртту» фестивальданул лагрулийсса концертрал программа ккаккан дунни жулла республикалиясса ва дазул кьатIатусса артистътурал.
Бадрижамал Аьлиева
