ХIХ-сса Щалла дунияллул жагьилтурал фестивальданий дакъасса журалул мероприятияртту най дакъар. Сочилийн вай гьантрай бувкIсса хъамаллуран бизар хьунсса чIун дурагу дакъасса дур. Бигьалаган ккаккан дурсса чIумалгума цавай флористикалуха (тIутIая, чIапIая дурсса чIюлушиннарду) ва цаймигу касмурдаха зий буна, цавай «Роботирттал биявуртту» тIисса павильондалуву мяйжаннугусса бяст-ччаллал лагма лавгун бур.
[dropcap]П[/dropcap]авильон тIивтIусса цалчинмур кьини Сбербанкрал сакин дурну дур Аьрасатнаву цалчинсса «Роботру журналистътурайн къаршину» тIисса бияву. Ванивух Цалчинмур, Ххюлчинмур каналлал, «Россия 1» каналданул ва YouTube-рал блогер Амиран Сардаров хьхьичIми чемпионатирттай ххув хьусса роботирттайн данди увккун ур.
Шоулул сакиншинна дурсса Сбербанкрал ва Promobot компаниялул бусаврийну, хьхьичIми шиннардих бурувгун, гьашинусса «Роботирттал биявуртту» ца яла яргсса ва тамашачитал гьарзасса хьунтIий дусса дур. Ванивух гьуртту хьун 7 хIукуматраясса 26 командалул аьрза буллуну бур. Биявуртту нантIиссар фестивальданул майданнивсса медиацентрданий октябрьданул 20-ннин.
