[dropcap]М[/dropcap]ахIачкъалаллал аэропортрал хъунама директор Арсен ПирмахIаммадов гьуртту хьуну увкIунни сентябрь зурул 21-22-нний Москавлий хьусса, регионнайсса аэропортру хьхьичIунмай баврин хас дурсса дунияллул халкьуннал V-мур конференциялий.

[dropcap]В[/dropcap]а конференциялий ХIу­куматрал ва бизнесирттал даражалий ххал бивгьунни аэропортру хьхьичIунмай баву мурадрайсса масъалартту.
Конференциялий гьаз бувсса цаймигу масъалартту бия регионнал аэропортирттал инфраструктурарттан арцу итадакьаврин, инвестицияртту кIункIу даврин, цивппа заллусса ва хIукуматрал партнертуращалсса лавайсса даражалул проектру хIадур даврин, аэропортрал давриву инвестицияртту дучIан дуллансса проектру сакин даврин хас бувсса.
Шикку гьурттушинна дунни федерал ва властьрал органнал, регионнал ва магистрал авиакомпаниярттал вакилтурал, регионнайсса аэропортру авиациялул техникалул щаллу буллали­сса предприятиярттал пишакартурал, Аьрасатнал Федерациялул ва СНГ-лул региондалийсса транспортрал комплексирттал каялувчитурал, авиациялун аьркин­сса кьай-кьуй дузал дуллали­сса ва цIушиннардаясса хIукмурду кьамул буллалавриха зузими ва СМИ-дал вакилтал.
Федерал ва регионнал властьрал органнал вакилтурал ккав­ккунни аэропортру хьхьичIунмай баву мурадрайсса маслихIатру.