Октябрьданул 1-нния тинмай къабаннайн авлий буккан бучIиссар

[dropcap]Р[/dropcap]оссельхознадзорданул тIимунийн бувну, АьФ-лий 2017 шиная шинмай сияхIрайн лавсун бур Африканал къабаннал тIаоьн (чума) дусса 101 кIантту. Мунийн чайссар цамур журалий «Монтгомердул азар» куну.

ХIасан Аьдилов
Гьашину, октябрьданул 1-нния тIайла хьуну, Дагъус­ттаннай тIитIлатIиссар къабаннайн (дикий кабан) авлий бу­ккаврил чIун. Му чIун лахъи лагантIиссар декабрьданул 31-ннийнин. Дагъусттаннай вацIлул дунгъузру бур 3277. Миннувату 742 ябуллай бур хозяйствар­ттаву. Гьашину, сентябрьданул 1-ннийнин, жулла республикалий сияхIрайн лавсун бакъар Африканал тIаоьндалул къабан къашавай хьусса цавагу иш.
ВацIлул дунгъузру тIаоьн­далул къашавай къахьуншиврул ва му азар Дагъусттаннал аьрщарай ппив къахьуншиврул аьркинссар дуруччин ца­ппара кьяйдарду. Масалдаран, бивкIусса вацIлул дунгъуз ля­къирча, гацIанава баян бан аьркинссар паччахIлугърал ветеринариялул идаралийн.