[dropcap]Д[/dropcap]агъусттаннал пенсион фондрал пресс-къуллугърал баян бунни Аьрасатнал пенсион фондрал электрон журалул хIаллихшиннарду чIяру дуршиву.

И. Саидова
18 шинавун бияннинсса мушакъатсса оьрчIах ва цалчинмур группалул мушакъатшиву дусса оьрчIах буругаврихлу компенсация ласласисса,даврий къазузисса инсантураща,электрон журалий аьрза чивчуну, компенсация ласунсса документру дузал буван бюхъантIиссар.
Шиккува кIицI лаган, электрон журалийсса цинярда хIа­ллихшиннарду щаллу дан бюхъан­тIиссар, Аьрасатнал Пенсион фондрал сайтрайн бувххун. Электрон журалий ми щаллу даншиврул аьркинссар (gosuslugi) ПаччахIлугърал ва муниципал хIаллихшиннардал парталданул сияхIрайн лахъан.
ХьхьичIава ва партал­данийх­чIин хIаллихшиннарду щаллу дуллай бивкIми сайтрайн буххан аьркинссар нукIувасса логин ва парольданийхчIин.