Аьрасатнал ЗахIматрал ва соцзащиталул министерствалул халкьуннал дяниву оьрчIру гьарзану баврил ва чIявусса оьрчIру бусса кулпатирттан хIукуматрал чулуха кумаг баврил хIакъиравусса цIухху-бусу буллай бур.
З. АьбдурахIманова
Ва давривух гьуртту хьун ччиминнаща суаллу ххал бан бюхъантIиссар АьФ-лул ЗахIматрал министерствалул сайтрай «Гьуртту хьияра» тIисса бутIуй. http //www.rosmintrud.ru/social/14.
Сентябрьданул 10-ннин нантIисса ва цIухху-бусулувух гьуртту хьун оьвтIий бур республикалул халкьуннайнгу.
Сайтрайсса суаллавух бур кIилчинмур оьрчI бувсса ягу кIиннияр ххишаласса оьрчIру бусса кулпатирттан ниттихъал капитал, ягу къатта бансса аьрщи, ягу бутIри-бутIрайну арцу дуллуну хъинссарив ягу цайми чаранну буссарив тIисса мяъналул суаллу.
Ва даврил сиптачитурал бусаврийну, аьрасатлувтурал вай суаллахьхьун жавабру дуллуну махъ демографиялул политикалуву цаппара дахханашивуртту дансса пикри бусса бур.
