Диабетрал къашавайсса Дагъусттаннаясса оьрчIал команда зана хьунни Сочилия, щалагу Аьрасатнал Диаспартакиадалия цанна пишкаш дурсса грамотардащал ва бахшиширттащал. Вай оьрчIру Сочилийн тIайла буккан хъунмасса хIарачат бувссар ДР-лул ЦIуллу-сагъшиву дуруччаврил министерствалул ва хъунмур оьрчIал эндокринолог Кострова Иринал.
Махъсса шиннардий диабетрал къашай хъанахъими оьрчIру ялу-ялун гьарза хъанай бур. Ххал бигьавурттайн бувну, махъсса 10 шинал дянив диабетрал къашавай хьусса оьрчIру гьарза хьуну бур 20%. Ва цIуцIаву хъин дангу чара бакъа аьркин хъанай бур цила чIумал бувсса медициналул чулухасса кумаг.
ДР-лул здравоохранениялул министр Танка Ибрагьимовлул буржлув дунни цинярlагу медорганизацияртту укун захIматсса цIуцIаврил къашавайсса оьрчIал оьрму ххуй баву, куклу баву мурадрайсса давурттив гьарpа дан, мукунма санаториярттайн, курортирттайн гьан буллан. МуницIунна дархIусса давуну хъанахъиссар Сочилийсса Диаспартакиадагу. Шикку хьуссар чIярусса конкурсру, тренингру, тIуркIурду, цаймигу дялахърурду, мяйжаннугу оьрчIру гьарца чулуха итххяххан буллалисса. ОьрчIан лахьхьин бувссар цала цIуллу-сагъшиврул дневник бачин бан, цалла цIуцIаврицIун бавхIусса затрe цайнува цалва бартбигьлан.
Барчаллагьрай бия циняв тичча бувкIсса оьрчIал нину-ппу цала оьрчIан укунсса байран щаллу дурминнайн. Нитти-буттаннив аьркинсса зат оьрчIал цIуллушиву ва талихI бур. Цала цIуцIавурттугу хъамадиртун, ххарину бувкIунни оьрчIру Сочилия яла багьлул лараймур призращал.
ДР-лул минздраврал
пресc-служба
ХIадур бувссар
Т. ХIажиевал
