ЦIуссалакрал райондалул азарханалул хъунмур хIакин Людмила Султанова, хирург МахIаммад АхIмадов, поликлиникалул хъунмур Марина Буттаева, райондалул азарханалул акушер-гинеколог Асият ХIажиева ва цаймигу медициналул зузалт гьуртту хьуну, ЦIуссалакрал райондалий хьунни «Пишкаш бува ттун оьрму» тIисса акция. Мукунма ва акциялий гьурттушинна дунни райондалул азарханалий хъин хъанахъисса къашайшалтралгу.
Шиккун бувкIсса хъаннищал акушер-гинеколог Асият ХIажиевал бунни цIуллу-сагъшиву дуруччаву мурадрайсса ихтилат. Ванил хъаннихь балжину бувсунни, лякьлуву хьусса оьрчI лиян бувну махъ, хъамитайпалул цIуллу-сагъшиврун биллалисса зараллая. Асият ХIажиевал кIицI ларгуна укунсса ишру сававну Щалагу Аьрасатнаву личIи-личIисса азардал къашавай хьусса хъаннил сияхI.
ХIадур бувссар
И. Саидовал
