Аьрасатнал циркрал артистка Мальвина Абакарова, цила гьаваллал гимнасткал гьунарду ккаккан буллалисса ппурттуву, лахъния багьну, щях бивщуну бур.

Р. Къардашов
Ва иш хьуну бур Швейцариянаву Люцерн тIисса шагьрулий, «Knie» циркрал ккаккан дуллали­сса шоулий.
Мальвинал гъаргъун дур кIи­рагу бартка ва дурккун ца канийсса ссюрхъ дур. Биян був­сса азарханалий бувсунни ванил цIуллу-сагъшиврул тагьар дянив­сса душиву.
Мальвина Абакарова бур дунияллийх цIа дурксса Цалчинмур ЦIувкIуллал шяраватусса пагьламан Рабадан Абакаровлул наслулия­сса душ. Ванил дунияллул дянивсса циркрал фестиваллай ларсъссар лауреатнал чIярусса цIарду Германнаву, Палангнаву, Аьрасатнаву.
Заннал цIими ххи баннав жулва лакку душнин ччяни ччаннай бацIан.