Ва Рамазан зуруй Москавлив аьрщи нясив дурсса цIанихсса лакрал чиваркIуннал гьаттардийнгу бивну, дайсса аьдатгу дурну, бувкIунни АхIмадов Руслан, АхIмадов Анвар, МахIаммадов Бадруттин, Шабанов Даниял.

Аьпа абадминнал цIарду:

Амаев Амир Жабраиллул арс, Лениннул премиялун ва цаймигу чIярусса премиярттан лайкь хьусса атомщик, техникалул элмурдал доктор.
АхIмад-хан-Султан, кIийла Совет Союзрал Виричунал цIанин лайкь хьусса, гьавалул ас, летчик-испытатель.
ПирмахIаммадов Ися Абакардул арс, генерал-майор.
Маммаев Загьиди Мяммал арс, отраслилул элмурдал академиялул академик, мелиорациялул элмурдал доктор, цIанихсса изобретатель.