Зумаритавал байран – Москавливгу

Цинявппагу бусурманнан яла ххирамур, яла хьхьичIунмур кьини – Зумаритавал байран цачIу хьунадакьин июньдалул 25-нний Москавливсса Дагъусттаннал вакилханалийн, цIакь хьусса аьдатрайн бувну, бавтIун бия Москавлив ялапар хъанахъисса дагъусттанлувтал – жяматийсса ва политикалул ишккаккулт, депутатътал, спортсментал, хIакинтал, студентътал.
БавтIми байрандалущал барча буллай, махъру лавхъунни Москавливсса Дагъусттаннал вакилханалул бакIчи Изумруд МухIуттиновал, ДР-лул Муфтиятрал Москавливсса вакилханалул чулуха – Даниял Уманиловлул, депутатътурал корпусрал чулуха – АьФ-лул ПаччахIлугърал Думалул депутат АьвдулхIамид АмирхIамзаевлул, Дагъусттаннал вакилханалул Жяматийсса советрал комиссиялул председатель МахIаммад Ажуевлул, МГУ-лул тарихрал факультетрал деканнал хъиривчу Оксана Солоповал, дунияллул халкьуннал дянивсса даражалул спортрал мастер, Москавуллал районнал дянивсса прокурорнал хъиривчу Арсен Шяпиевлул, Москавуллал Басманный райондалул управалул бакIчи Салман Дадаевлул, АьФ-лул МИД-рал генеральный секретарьнал хъиривчу Владимир Разумовскийл ва цайминналгу.
НахIу-нацIушивуртту дусса ссупра бакъасса байран дикIайссарив, цурдагу Зумаритавал кьини? Цинявппагу лагма лавгуна дагъусттаннал дукрардал бувцIусса столданух.
Хъамаллурайх бачIлай бия бакъухъ, чассаг ва цаймигу нацIусса бахшишру.

ХIадур бувссар Бадрижамал Аьлиевал