Июнь зурул цанний, ОьрчIру буруччаврил кьини, МахIачкъалаллал администрациялул оьрчIру ва нитти-буттахъул ххуйну бигьалагансса программа хIадур дурну дия.

КIюрххила Расул ХIамзатовлул цIанийсса проспектрайсса аллеялий сакин дурну дия асфальтрай сурат дишаврил конкурс. Мунилсса буллай бия шагьрулул Культуралул управлениялул зузалт.
Оьруснал драмтеатрданул хьхьичIсса майданнив тIурча, «ЧIавасса зунтталчу» тIисса цIанилу оьрчIал творчествалул фестиваль дия. Хъунмур байран гьар шинах мудангу шикку дикIай. Фестивальданул программагу хъуннасса дия: чIава балайчитурал гала-концерт, назмурду ккалай бия чIава артистал.

Дия оьрчIал дурсса суратирттал выставкагу: «ТIабиаьт оьрчIал ярунних».
Ссихьрал театрданулгу «Бачияра, ссихIирданул билаятрайн лехханнуча» тIисса мероприятие дия, «ЧIавасса виричу» тIисса спектакльгу ккаккан бувна.
Концертру дия «Анжи- Ареналий» ва филармониялуву.
Яруссаннал театрданул хьхьичIсса майданнивгу тяхъасса тагьар дия. Нитти-буттахъул ва оьрчIру, цумур кIанайн байрандалийн гьан хъинавав тIий, кIихIулланугума бия. Рязину бия, шагьрулул администрациялул оьрчIру ххари бансса давурттив дунни тIий.

П. Рамазанова