МахIачкъалалив «Одноклассники» социал сетьрал вакилтал хьунабавкьунни Дагъусттаннал СМИ-лул зузалтращал.
Р. Къардашов
Дагъусттаннай бусса бур «Одноклассники» социал сетьраву гьуртту хъанай 600 азарунния ливчусса агьали.
Хьунабакьаву тIитIлатIисса ихтилатраву ДР-лул печатьрал ва информациялул министр Рашид Акавовлул увкунни: «Интернетрава ласун хъанай дур мюнпатсса ягу заралсса кIулшивуртту. Цуксса жува хIадурну буссарув хIусутшиврул хьхьичI бацIан, муксса ккаккангу бантIиссар цуксса жулва гьану цIакьну буссарив».
Дагъусттаннайн бувкIсса «Одноклассники» социал сетьрал вакилтурал – менеджер Юлия Лебедьлул, стратегиялул бутIа бачин баврил хъунама Александр Володиннул бусаврийн бувну, цIана социал сетьраву гьуртту хъанай бусса бур 71 млн. халкьуннал, минная 600 азара – Дагъусттаннай ва миннал бачIи – МахIачкъалалив. Ялагу бувсунни ци цIушиннарду дуссарив сетьраву СМИ-лул хайрданунсса.
Шиккува кIицI бан, «Илчи» кказитгу буссар социал сетирдаву:
«Одноклассники» ок. ru./ilchi.info
«В контакте» — vk.com/ilchi_info
«Фейсбук» — faceвook. com/ilchi.nfo
«Инстаграм» — ilchi _ info
«Илчи» кказит буккин шайссар интернетравусса сайтрайгу
ilchi. info.
