МахIачкъала–Аэропорт ххуллу чIумуйсса лавкьунни

Июньдалул 6-нний МахIачкъала–аэропорт ххуллу лавкьунни. Мунил сававну хьуну бур, ва ххуллу 15 шинал мутталий ишла буллай, ялтту бавкьусса асфальтрал къат зия хьуну, дакьин дан багьлай бушиву.
Давуртту дуллай байбивхьуну бур МахIачкъалалия ЦIусса Хушет­рал ламуйн бияннинсса ххуллул бутIуй. «Дагавтодорданул» идаралий жухь бувсунни вай давуртту лахъи лагантIишиву ца зуруйсса.
Цалсса аэропортрайн, Каспийс­калийн наниминнан бачин багьлай бур Насруттиновлул цIанийсса кучалийх.
Июньдалул 8-нний, кIюрххил, Туралилияту байбивхьуну, МахIач­къалалив бияннинсса ххуллий машинарттал гьарзашиврул чIярусса дайшишру дия. Ххуллийн букканнин хIисаврайн ласияра вай ишругу.

Р. Къардашов