Буттал кIанттул цIанийсса Хъун дяъвилул ветерантурахь, захIматрал фронтрал ветерантурахь, циняв дагъусттанлувтурахь барча тIий ура бюхттулсса байран – Ххувшаврил Кьини!

Ларгунни 72 шин жулва билаятрал аьралуннал ва дяъвилул къинттуллух захIмат буллай бивкIминнал фашист Германнал аьраллу ххит бувну, Ххувшаву ларсния махъ.
ЗахIматсса бивкIссар Ххувшав­ри­чIансса ххуллу, къачансса бувкI­ссар му ххуллий жулва халкьуннал бакIрачIан. Буттал кIанттул цIанийсса дяъвилул шиннардий ляличIинура ялун лирчуссар Ватан дуруччин гьаз хьусса жула халкьуннал Ватан ххирашивугу, чувшивугу, виричушивугу.
Жува багьавай пахру буллали­ссару бюхттулсса Ххувшаву ласавриву лайкьсса захIмат Дагъус­ттаннал арсваврал ва душварал бишаврия. 180 азарунная ливчусса дагъусттанлувтал виртталну талай бивкIссар Хъун дяъвилул фронтир­ттай, гьарца кIилчинма оьрмулуцIа хьуссар жула билаятрал тархъаншиврул цIаний. 62 дагъусттанчу лайкь хьуссар «Совет Союзрал Виричу» ва «Аьрасатнал Федерациялул Виричу» тIисса бюхттул­сса цIардан, 7 хьуссар Славалул орден дуллусса, 10 азарахъул хьу­ссар дяъвилул орденну ва медаллу ларсъсса.
Дагъусттанлувтуран тачIав хъамакъабитайссар жулва буттахъал ва ттаттахъал дяъвилий ккаккан бувсса гьунарду. Жущава бюхъаймур банну, ветерантал гьармунил щаллуну, аякьалий бикIаншиврул.
Жува, дагъусттанлувтал, зий буру щала билаятращал цачIуну, Аьрасатнал Федерациялул Президент В. Путиннул каялувшиврулу Бюхттулсса Аьрасатнал кьуват ва сий цIакь давриха.
Циняв дагъусттанлувтуран чIа тIий ура цIуллушиву, паракьатшиву ва узданшиву.

Дагъусттан Республикалул БакIчи Р. АьбдуллатIипов