Майрал 1-нний Краснодар шагьрулий МахIачкъалаллал «Анжи» команда ччалли дуклай дия «Краснодар» командалущал, тIуркIу къуртал хьунни 0:0 счетрай.

Ва тIуркIу хьуссар Аьрасатнал футболданул премьер-лигалул 26-мур турданул лагрулий. 26 тIуркIу бувну махъ «Анжилул» активрай бур 29 очко. Хъиривмур турданул тIуркIу «Анжилул» хьунтIиссар майрал 8-нний «Анжи-Ареналий» Москавуллал «Локомотивращал». Ва команда дуссар турнирданул таблицалул 8-мур ххуттай.
ХIасан Аьдилов