ЦIусса прокурор агьалинащал кIул ан Лакрал райондалийн бувкIун бия республикалул прокурорнал хъиривчу ТIагьир Аьвдулаьзизов, Лаващавсса районнал дянивсса силистталул управлениялул комитетрал каялувчи Сиражуттин Сиражуттинов, ФСБ-лул отделданул каялувчи Андриан СалихIов.

Райондалул администрациялул актовый залданувун бавтIун бия Лакрал ва Ккуллал районнал администрациярттал зузалт, идарарттал каялувчитал.
Райондалул бакIчи Юсуп МахIаммадовлул барчаллагьрал чагъар буллунни хьхьичIавама прокурор Светозар Оьмаровлухьхьун.
Муния махъ ТIагьир Аьвдулаьзизовлул залданувун бавтIми кIул бунни цIуну ивтсса прокурорнащал – Дандамаев Хумарбаг Хизрил арснащал.
Хумарбаг Дандамаев ттининнин зий ивкIун ур Агъуллал райондалул прокурорну. Хумарбагная, цалла даву ххуйну кIулсса пишакар хIисаврай буслай, ТIагьир Аьвдулааьзизовлул умуд бивхьуна цанна маччасса райондалий хъиннува жаваблувшинна ххину зунссар тIисса.

Зулайхат ТАХАКЬАЕВА