Ва зурул 21-нний кIицI лагайсса КIанттул цилакаялувшиндарал органнал кьинилул хьунийн райодалул администрациялул сакин бувну бия «Райондалул бакIчинал оьрмулувасса ца гьантта» тIисса акция.

Юсуп МахIаммадов хьунаавкьунни Гъумучиял школалул 9-11-ми классирттал дуклаки оьрчIащал. Дуклаки оьрчIан администрациялул къатригу ккаккан бувну, администрациялул даврия, кIанттул цилакаялувшиндарал органнал хьхьичIсса мурадирттая бувсуна администрациялул иширтталсса буллалисса ХIажи Чавтараевлул. Райондалул бакIчинал кабинетраву дуклаки оьрчIан ккаккан бунни хьун дурсса хьхьичIуннайшивурттахлу личIи-личIисса шиннардий райондалун буллусса дипломру ва грамотартту.
Муния махъ Юсуп МахIаммадов хьунаавкьуна дуклаки оьрчIащал. Цала ихтилатраву мунал кIицI лавгуна райондалул ялун бучIантIимур ялун нанисса никирал кIунттихь бушиву, хъун хъанахъисса никирайн душиву райондалуцIун бавхIусса умудругу, вихшалагу.