Роспотребнадзорданул управлениялул нюжмардий цал дайсса мониторинграл ккаккиярттайн бувну, мартрал 13-19-нний сияхIрайн лавсун ур гриппрал ва ОРВИ-лул къашавай хьусса 2226 инсан. Миннавату 14 шин хьуннинсса оьрчI-бакI бур 1523.
Дагъусттаннай ОРВИ-лул (острая респираторная вирусная инфекция) къашавай шаву эпидемиялул даражалийн диян дурану дур. ОРВИ-лул къашавай хьуми сияхIрайн лавсун бур щалла республикалий.
СияхIрайн лавсъсса цинявннава 872 инсан ур МахIачкъалалиясса – 43%.
Ларгсса нюжмардий Роспотребнадзорданул лабораториялий ххал увну ур 22 къашайшала ОРВИ-лущалсса, дурну дур 154 хъиривлаяву (исследования). Миннул хIасиллайну личIи бувну бур 5 риновирус, 2 респираторно-синцитальный вирус, 2 Н3N2.
Роспотребнадзорданул управлениялул мукунна дайссар азарханардай бакъасса пневмониялул къашайшалтрал мониторинг. Махъсса нюжмардий Дагъусттаннай сияхIрайн лавсун ур азарханардай бакъасса пневмониялул къашавайсса 149 инсан, ванияр хьхьичIмур нюжмардийминнаяр 19 процентрал чансса.

ХI. Аьдилов