Мартрал 14-нний МахIачкъалалив хьунни Аьрасатнал ветерантурал жяматийсса организациялун 60 шин ва Дагъусттаннал ветерантурал организациялун 30 шин там шаврин хас бувсса пленум.
Пленумрай гьуртту хьун Ккуллал райондалия лавгун уссия райондалул Ветерантурал советрал председатель Загьидиев Аьбдул. Ва батIавривух гьуртту хъанай бивкIун бур мукунма Хъун дяъвилул ветерантал. Циняв районнал ветерантурал советирттал председательтуран дуллуну дур «АьФ-лул ветеран сакиншиндаран 60 шин» ва «ДР-лул ветеран сакиншиндаран 30 шин» тIисса медаллу. Вай медаллу дуллуну дия Загьидиев Аьбдуллунгу. Барча вил медаллу, Аьбдул!
