Март зурул 18-19-нний Ставропольлал крайрай хьусса каратэлул чемпионатрай гьуртту хьуну, хьхьичIунсса кIантту бувгьуну бувкIунни ЦIуссалакрал райондалиясса чIава спортсментал.
И. Саидова
Дагъусттаннал цачIун дур командалуву каратэлул чемпионатрай гьуртту хьусса ЦIуссалакрал райондалул ДЮСШ-ясса Артур Самадовлул, ХIабибуллагь Давыдовлул, Ссунгъурбаг Абакаровлул бувгьунни цалчинми кIанттурду, Халид ХIаммадовлул ва Ванати АьбдурахIмановлул бувгьунни кIилчинми кIанттурду, Шамил Оьмариевлул – шамулчинсса кIану.
Чемпионатрал хIасиллу дуллай, Дагъусттаннал цачIун дур командалун буллунни цалчинмур кIану.
Ххув хьуминнан ва призертуран дуллунни грамотартту, медаллу ва кубокру. Утти вайннал гьурттушинна дантIиссар май зуруй Орел шагьрулий хьунтIисса Аьрасатнал каратэлул первенстволий.
