ДР-лул Транспортрал, энергетикалул ва дахIаврил министерствалул баян бунни февраль зурул 2-нний Москавлив «Почта Банкрал» Дагъусттан Республикалущал хIала-гьурттуну зунсса кьутIи чирчушиву.

Агьамшиву дусса кьутIи чичлачисса давриву гьуртту хьунни ДР-лул ХIукуматрал Председательнал хъиривчу Шамил Исяев ва «Почта Банкрал» президент ва правлениялул председатель Дмитрий Руденко.
КьутIи чичаврил хъунмур мурад бия жула республикалий банкрал хIаллихшиннарду мюнпат буну ишла дан бюхъаву.
— Ларгсса шинал жу баян бувссия Ухссавнил Ккавкказуллал региондалий «Почта Банк­рал» хIаллихшиннарду зузи дувансса пикрилий бушиву. Утти, тIурча, жу байбивхьуру «Поч­та Банкрал» хIаллихшиннарду Дагъусттаннайгу ишла дуллай. Хъуннасса къулагъасрайн ласарду пенсионертуран банк­рал карталийхчIин пенсияр_тту буллансса масъала. Мукунма пикрилий буру банкрал хIаллихшиннарду ишла дуллансса хIалу дакъасса щархъавугу «Почта Банкрал» хIаллихшиннарду зузи дуван, — увкунни Дмитрий Руденкол.
Дагъусттаннай ми къулайшивуртту зузи дуллан най бур март зуруя тиннай. Шинал ахирданийннин ми ишла дуван бю_хъан най бур жула региондалий тIитIлатIисса 90-нния ливчусса центрдай.
2017 шинал «Почта Банкрал» тIиртIусса центрдал кумаграйну республикалий хIасул хьун най бур 30-нния ливчусса зузи кIанттурду.