Уттигъанну Каспийскалий шагьрулул ЦБС-лучIа тIивтIусса культуралул ва бигьалагаврил «ХIала-гьурттушиву» тIисса центрданий хьунни ирглий­сса батIаву. Мунил цалчинмур бутIа хас бувну бия ТУ-154 самолетрал авиакатастрофалий ливтIуминнал аьпалун.

Бадрижамал Аьлиева
[responsivevoice_button voice=»Russian Female» buttontext=»ВИЧIИ ДИХЬЛАН»]ЦБС-рал хъунмур библиограф, ва батIаву дачин дурсса Зугьра Аьбдуллаевал дакIнийн бувтунни февральданул 2-нний 40 гьантта хьушиву ТУ-154 самолетравусса 93-гу инсан ЛухIи хьхьирил ялув хьусса апатIраву ливтIуну, миннавух ивкIшиву экипажрал 8 член, 2 федерал къуллугъчи, 9 СМИ-лул вакил, А. В. Александровлул цIанийсса ансамбльданул 64 артист,цIа дурксса хIакин Елизавета Глинка. Бувсунни хIакиннал оьр­мулия гьарта-гьарзану.
БатIаврий мукунма хьунни ихтилатру Александровлул цIанийсса ансамбльдания, дирижер Валерий Халиловлуя. Ларгсса шинал гъинттул Валерий Халилов лайкь хьу­ссия «Дагъусттаннал халкьуннал артист» цIанингу.
КIилчинмур бутIа хас бувну бия шаэр Римма Казакован, вай гьантрай хьунтIий диркIсса ванил оьрмулул 85 шинал юбилей хIисавравун ларсун. Шагьрулул гимназиялул ва 6-мур школалул дук­лаки оьрчIал бувсунни шаэрнал оьрмулия ва творчествалия, дур­ккунни мунил назмурду.