ЦIусса шин дайдирхьуннихха, чара бакъа, байран цурдалу къадикIан, ялун дияй «бахшишругу». Билаятрай экономика сантирай ва лябукку буну хьхьичIуннай хъанай ду­ссар тIий булувкьуну бухьурчагу, билаятрал хъуними, агьалинал дакIру зия дуллали­сса хъалул гургрими чан хъанай да­къассар.

Харжру гьаз буллай бакъанува, гьаз хъанай бур дуки-хIачIиялухсса, лаххиялухсса, ичIаллил кьай- кьуйлух­сса багьри. Сайки гьарзатрахсса. Ялув ттуккун, кIюлания ххячара ххядуккансса хIукмурдугу. 2017 шинал январь зуруя тинмай Да­гъусттаннай оьрчIал садикирттай нитти-буттахъал гьар зуруй буллалисса багьа гьаз хьунни 5 %. КIулшиву дулаврил ва элмулул министерствалул баян бунни багьа гьаз хьушиву. Рязий ба­къасса нитти-буттахъулгу социал сетирдаву цIуру-кIурурдай бур.[pullquote]2017 шинал январь зуруя тинмай Да­гъусттаннай оьрчIал садикирттай нитти-буттахъал гьар зуруй буллалисса багьа гьаз хьунни 5 %. КIулшиву дулаврил ва элмулул министерствалул баян бунни багьа гьаз хьушиву. Рязи бакъа­сса нитти-буттахъулгу социал сетирдаву цIуру-кIурурдай бур. МахIачкъалалив, масалдаран, садикрайн оьрчI занай бухьурча, зуруй 1463 къуруш дулун багьлай бур.[/pullquote]МахIачкъалалив, масалдаран, садикрайн оьрчI занай ухьурча, зуруй 1463 къуруш дулун багьлай бур. Дахханашинна дурну дур паччахIлугърал ва муниципал учреждениярттайн оьрчIру заназисса нитти-буттахъал хIакь булаврил хIакъиравусса хIукмулувугу. АхIвал кIюласса нитти-буттахъан му хIакьлия компенсация хIисаврайсса ца бутIа зана битайссия, агарда кулпатрал маэшатрал доход прожиточный минимумраяр яларайсса духьурча. Утти нитти- буттахъул буржлув буллай бур кулпатрал ахIвал кIюласса бушиву исват буллалисса справка гьар кварталданий диян дуллан оьрчI заназисса учреждениялийн. Шанма зурул дянив маэшат гьаз бан хьунсса даражалийсса оьрму бурив республикалий? Шиккува бусан, кулпатрал доход прожиточный минимумраяр ларай­сса духьурча, кьукьлай бур гьар зуруй оьрчIан 16 шин хьуннин булайсса пособиягу: 123 къуруш! Гьивчул 2 кило ласун хьунуксса пособие! Ттуяту, масалдаран, кIурссанува кьувкьунни, хIукумат дакI хъякуну духьун­ссия на авадан къахьун. Ттулва пособиялул хавар бусайхту, кIира ссят дунни чIаххувщарнил дакIнийхтуну хъяй, на гьивчул кIира ккилорацIа баврия ххарину хъяй бакъаяча, ласгу, цу­ппагу хIукуматрал давурттай зий, ттуяр шамлийну ххирасса харжру ласласисса цилва душнинмур къакьувкьуннихха, ттулмур пособия щин хъун бивзссар тIий, хIаз хьуну. Мяйжанссар, ттул комментарий социал сетирдаву дуккайхту, Дагъусттанная ПаччахIлугърал Думалувун кандитатура дирхьуну бивкIсса чичу ва политик Юлия Юзик бия ттухь, хъирив букку, щалвагу Аьра­сатнаву оьрчIансса гьар зуруй булайсса пособиялул прожиточный минимумращал цичIав иш бикIан къааьркинссар, Да­гъусттаннан хасну личIисса закон дакъассар тIий. Хъирив бу­ккайхту, ттун бувчIин бунни душиву мукунсса закон, оьрчIал пособиягу сайки шярайхбуккултрал ягу, кIу къабизанну учин, байчаратурал даражалийминнан бакъа къабагьайшиву. КьюлтI учинну. Цикссагу кьюлтIа тIий ва бухIлай аьдатсса жува. Укун ухчIин лавай багьсса хIукмурдал цучIав мискин къаувантIиссар. Амма…бикIайхха нягу, оьгу зия дуллалисса аммагу. ТIай­ладакъашивруяр духIан захI­матссагу ци дуссар дунияллий? ТIайладакъашивурттал бакъарив инсантурал цIуллу-сагъшиврийн, психикалийн зарал биян буллалиссагу? Агьалинан къакъулайсса хIукмурдал бакъарив жагьилтурал бакIру къагъ-байтурман буллалиссагу? На ва текст чичлачисса кьини, январь зурул 18-нний, Аьрасатнал ХIукуматрал баян бу­нни вацIлул ахъулсса ва ттуккулни­сру датIайная гьар сезондалий налог тIалав дуллантIишиву. Ххюазарда къуруш дянивну. Ххюазарда къуруш жипливу дусса инсан вацIлувун кьюнукьи батIлан къагьантIиссарча, миннул хъирив тIайлана базаллувун гьантIиссар. Кьюнукьи батIангу, кьус бикIлай, захIмат буллан аьркинссар. Ттуккулни­сру ва вацIлул ахъулсса датIан лагаймигу хъунмурчIин пакьирсса пенсионертал бакъарив? Гьаннайсса, явара утти ссихI ласайсса гьавалийнгума налог дишавай бур.