Декабрьданул 7-нний Дагъусттаннал БакIчи Рамазан АьбдуллатIиповлул ва ДР-лул Халкьуннал Мажлисрал Председатель Хизри Шихсяидовлул Дагъусттаннал журналистът уращал цачIу ххал диргьунни АьФ-лул Президент Владимир Путиннул АьФ-лул Федерал Собраниялийнсса Рисала.
ХI. Аьдилов
Р. АьбдуллатIиповлул бувсъсса куццуй, Аьрасатнал Президентнал Рисала дуккаву – му агьамсса ишри, ганил ккаккан буллалиссар паччахIлугърал ххуллу-хха. Президентнал бувсунни билаятрай бан битанмунил хIакъираву. ПаччахIлугърал БакIчинал хъуннасса къулагъас дурну дур инсаннал ихтиярдах ва тархъаншивурттах, демократиялул, патриотшиврул масъаларттах, чIявусса бувсунни инсаннал капиталдания, тарих бусравну бикIан аьркиншиврия. Президентнал дунни дуккаврил, культуралул, шяраваллу ва шагьрурду дузал баврил масъаларттал анализ. Бувсунни мукунма «экономикалул тархъаншиврия» ва, коррупциялущалсса талатаврия. Иширайну Владимир Путиннул бувсунни циняв захIматсса масъаларттая.
Журналистътурал буллусса суаллан жаваб дуллай, Рамазан АьбдуллатIиповлул бувсунни республикалий 3 шинал мутталий бартлаглай бушиву приоритетсса проектру. Ганал мукунма бувсунни бюджетрал харжлугъирттал оптимизация дурну, дукIугу, гьашинугу тамансса арцурду махъун дагьан дурну душиву. ДР-лул БакIчинал бувсунни республикалий циксса школарду, оьрчIал садикру ва цаймигу социал объектру бувссарив. Ганал мукунма бувсунни республикалий проектное управление бартдигьлай душиву.
Рамазан АьбдуллатIиповлул бувсунни билаятран ва республикалун хасъсса захIматшивурттаяту ва духлаган дувансса ххуллурдаяту; граждан общество дишаврил хIакъираву; АПК-лувун нанисса субсидиярттал мюнпат ххишала ласлан аьркиншивруяту.
Хьунабакьаврий ххал бивгьунни Аьрасатнал Президентнал Рисалалувасса цаймигу масъалартту.
