Вай гьантрай щаллагу дуниял гьулусан дунни Турциянаву хьу­сса къаххуйсса иширал: декабрь зурул 19-нний тайннал хъуншагьру АнкаралийкIулакъасса инсаннал ( яла хъирив лавну кIул бунни му 22 шинавусса, республикалий госпереворот дансса машваралувух гьуртту хьуну мукьах даврия укьан увсса полицейский ивкIшиву) Аьрасатнал посол Андрей Карлов, выставкалий махъ лахълахъисса хIалатраву, му махъа увккун, бивтун увтунни.

ПатIимат Рамазанова
ТIайланма учин, ттиликIрахун бивтун увтунни. Социал сетирдай чичлай булувкьунни му Аьра­сат Сириянавусса дяъвилуву гьуртту шаврихлусса кьисасри тIий. Бур Аьрасатнал ва Туркнал нахIу хьусса арарду цIуницIа лиян дуваншиврул спецслужбардал дурсса давур тIий чичлачиссагу. Аьрасатнал Президент Владимир Путиннул итни кьини, МИД-рал хъунама Сергей Лавровлущал­сса ва ФСБ-лул директор Александр Бортниковлущалсса хьунаакьаврий, баян бунни Аьрасатнал посолнайн ка гьаз дуваву кIива билаятрал дянив душманшиву рутансса провокация душиву. «Ва иширансса жаваб – терроризмалущалсса талатаву ягин дувавур, бандитътуран хIисав хьунтIиссар талатаврил ягиншиву», — увкунни Аьрасатнал президентнал. Туркнал президент Реджеп Тайип Эрдоганнулгу, кьатIаллил иширттал­сса буллалисса министр Мевлют Чавушоглулгу баян бунни туркнал агьали ва теракт дащуй дихьлай бушиву, Аьрасатнал ва Туркнал дусшиву къаччисса инсантурал дурсса даву душиву. Ци мурадрай щил дуварчагу, билаятирттал дянивсса дусшиврул ламурду цIакь бувавриха зузисса посолнайн ка гьаз дуваву – гьарцагу духIин дусса инсаннан оьлу бизансса иш бур. «Россия глазами турок» тIисса фотовыставка тIитIлатIисса шадлугърай гьуртту хъанахъисса дипломатнан луркIан дурми чара бакъа ля­къин аьркинссар тIий бур дунияллийцири агьлу. Дунияллул халкьуннал аьдатрайн бувну, посолнайн ка гьаз дуваву ккаллийссар оьхIалсса преступлениялун.