Декабрь зурул 1-нний щалагу дунияллий кIицI дувай СПИД-ращал талатаврил кьини. Дагъусттаннал УИС-рал идарарттайгу ларгунни ва кьинилуцIун дархIусса мероприятияртту. Аьрасатнал ФСИН-лул 5-мур медико-санитарная частьрал филиаллал зузалтрал, республикалул ЦIуллу-сагъшиву дуруччаврил министерствалул хьхьичIунсса пишакартурал профилактика даву мурадрайсса ихтилатру бунни дуснакьирттай зузиминнащал ва дуснакь бувминнащал.

Декабрь зурул 1-4-нний цинярдагу республикалул УИС-рал идарарттай ларгунни дуснакь бувминнал ВИЧ-инфекция ппив шаврил масъалалух къулагъас даву мурадрайсса мероприятияртту.
Медициналул зузалтрал Дагъусттаннал УИС-рал идарарттай зузиминнахь бувсунни «XX-мур ттуршукулул чумалия». Дагъусттаннал ЦIуллу-сагъшиву дуруччаврил министерствалул пишакартурал бувсунни Аьрасатнаву ва Дагъус­ттаннай СПИД-рал къашай шаврил статистикалул чIалачIи буллалимуния. Бувсунни ва оьсса азар къалахъаншиврул ичIува ва давурттай цукун занакьулу бикIлан аьркинссарив. Ва акциялул лагрулий дуснакь бувминнан ккаккан дунни хасъсса кинорду, 5-мур медико-санитарная частьрал зузалтрал бунни семинарду ва тренингру Дагъусттаннал УИС-рал идарарттай зузиминнащал. Итабавкьунни ВИЧ-инфекция ппив хьун къаритан­сса чаран лякъаврин хас був­сса санитар бюллетенну. УИС-рал идарарттай зузиминнайх ва спецконтингентрайх дарчIунни ВИЧ-инфекциялия буруччин­сса куц бусласисса памяткартту. Мероприятиялул мурад бия дуснакь бувминнахь нигьачIаву дусса азардания ва муния буру­ччинсса кьяйдардая бусаву.
Дагъусттаннал УФСИН-лул пресс-служба
ХIадур бувссар
А. Аьбдуллаевал