ЦIуссалакрал райондалул ОьрчIал ва кулпатрал социал иширтталсса буллалисса отделениялул (ГБУ РД КЦСОН) сипталийну най бур Мушакъатминнал кьинилун ва Ниттихъал кьинилун хасъсса акция.
Ва отделениялул пишакартал бивунни захIматсса иширттавун багьсса ва мушакъатсса оьрчIру хъуни буллалисса кулпатирттавун. ЦIуссалакрал, Чапаевкаллал, ЦIуссаккуллал, Гьамиящиял, ТIюхчардал шяраваллаву мукунсса кулпатирттавун бивну, отделениялул зузалтрал бавчIунни дуки-хIачIиялул кьуцуртту. Уттинин вай бивну бур 15 кулпатравун. Ва акция декабрь зурул 23-ннин бикIан тIий бур. «Жун чIири-хъунсса аякьа даврийну ниттихъал дакIру чанссарагу тирх учин дуван ччай бия, мушакъатсса оьрчIру хъуни буллалисса ниттихъан цуксса захIматну буссарив аьщуйн щиланмагу аьркиншинна дакъар, бур мукунма хIал-ахIвалданул кIюласса кулпатругу. Миннан цахарасса аякьа асар хъанайгу дур, жул мурадгу мури», – тIий бур Социал центрданул зузала П. ХIасанова.
ХIадур бувссар
П. Рамазановал
