Дагъусттаннал ФСИН-лул управлениялий ларгунни Коррупциялущал талатаврил кьинилун хас дурсса мероприятияртту. Коррупциялийн къарши бацIаврил инспекциялул зузалт ва цаппарасса цаймигу службардал вакилтал хьунабавкьунни управлениялул зузалтращал, бувсунни коррупциялийн къарши бацIаву мурад­рай АьФ-лул закондалий кка­ккан дурсса тIалавшиннарду дуруччаврия, къадагъа дуллали­сса кIанттурду хьун къабитаврия.

Мукунма вайннал бувсунни коррупциялуцIун дархIусса тIулдакъашивуртту хьун къаритансса чаран лякъаврия.
— Коррупциялийн къарши бацIаву Дагъусттаннал УФСИН-лул давриву хьхьичIххуттайн лавсъсса масъаларттавасса ца бур. Коррупциялийн къарши бацIансса ца чаран хъанай бур лулттурасри дуллалисса ва ласласисса иширттан ххуллу кьукьаву. КоррупциялуцIун дархIусса тIулдакъашивуртту ашкара даву, миннун ххуллу кьукьаву мурад­райсса давурттив жучIа мудангу дуллай буссар, — тIий ур Да­гъусттаннал УФСИН-лул коррупциялийн къарши бацIаврил инспекциялул хъунама, виваллил службалул подполковник Замир Кушаев.
Коррупциялийн къарши бацIаврил подразделениялул зузалтрал бувсунни республикалул уголовно-исполнительный системалуву зузиминнал хъунмурчIин дуллалисса коррупциялуцIун дархIусса тIулдакъашивурттая ва къуллугъчитурал жаваблувшиннарая.
ДР-лул УФСИН-лул
пресс-служба
ХIадур бувссар
А. Аьбдуллаевал