Ноябрь зурул 26-нний ПаччахIлугърал Думалул депутат, Культуралул комитетрал член Юрий Левицкий избирательтуращал хьунаавкьунни Дагъусттаннал паччахIлугърал технический университетрал конференциярду дувай залдануву.
П. Рамазанова
Ванащал архIал студентътуращал хьунабакьин бувкIун бия МахIачкъалаллал администрациялул хъунаманал хъиривчу Запир Алхасов, МахIачкъалаллал хъунаманачIасса чIиримур предпринимательство гьаз давриха зузисса Советрал сопредседате
ль АьбдулхIаким Пахруттинов, «Единая Россия» партиялул регионал отделениялул Секретарьнал хъиривчу Эмилия Раджабова.
ДГТУ-лул ректор ТIагьир Исмяиловлул барчаллагь увкуна цува цуксса мажал бакъа унугу преподавательтуращал ва студентътуращал хьунаакьинсса чIун лякъайсса ва мудангу институтрал чIарав ацIайсса Юрий Левицкийхь. Ваналгу бувсуна цува мудангу ххари увайшиву технический университетравусса цIушиннардил, цIу-цIусса корпусру буллай бушиврул, аудиторияртту ва лабораторияртту ттизаманнул ххуйсса оборудованиялул дузал буллай бушиврул. Преподавательтуран ва студентътуран зунсса ва лахьлансса къулайсса шартIру дузал дуллай бушиврул. Бувсуна депутатнал, культура гьаз дуваву мурадрай, цуку-цукунсса проектру бартдигьавриха зий ва зун тIий буссаривгу, Республикалул БакIчи культуралул давурттах диялсса къулагъас дуллай ушивриягу, Рамазан ХIажимурадович жагьилтал ва хъами политикалувун кIункIу буван хIарачат буллай ушивриягу.
Юрий Левицкийл студентътурал суаллахьхьун жавабру дуллуна, барчаллагь увкуна университетрал оьрмулул иширттавух чялишну хIала буххайсса студентътурахь.
