Декабрь зурул 15-нний хьунни ПаччахIлугърал Думалул Культуралул комитетрал ирглийсса заседание. Микку ххал диргьунни Комитетравун ххал дигьин дуркIсса федерал законнал проектру.
П. Рамазанова
Мукунна ххал диргьунни ПаччахIлугърал Думалул Аьрасатнал субъектирдал паччахIлугърал властирдал органнащал уртакьну дувантIисса мероприятиярду. ПаччахIлугърал Думалул депутат Юрий Левицкийл 2017 шинал апрель зуруй Дарбантлив «Аьрасатнал халкьуннал аьдатрайсса культуралул центрду хIасул бавриву Дагъусттаннал опыт» тIисса темалун хас дурсса семинар-совещание дуван маслихIат бунни, ПаччахIлугърал Думалул депутатътурайн, Культуралул комитетирттал члентурайн ва властирдал структурардал хъуниминнайнгу оьвкуну. Комитетрал му предложение хъинчулий ккарккунни. Юрий Левицкийл кIицI лавгунни Дарбантлив дувантIисса мероприятиялул сиптачи ушиву Республикалул БакIчи Рамазан АьбдуллатIипов.
