МахIачкъалалив щаллу хьунни Сергей Прокофьевлун 125 шин шаврин хас бувсса уттизаманнул музыкалул Дагъусттаннал форум «Творческие пересечения».

Нюжмардул лахъишиврий жулла республикалул хъун шагьрулий хьуссар личIи-личIисса концертру, Астрахань, Ростов-на-Дону, Москав шагьрурдая бувкIсса ва жулла республикалийвасса музыкантътуращал­сса, дирижертуращалсса, музыковедтуращалсса ва композитортуращалсса хьунабакьавуртту.
Форумрал сакиншинналул­сса бувссар Дагъусттаннал па­ччахIлугърал филармониялул, Аьрасатнал Федерациялул ва Дагъусттан Республикалул Культуралул министерстварттал чIаравбацIаврийну.
Форум лакьлакьисса шадлугъ хьунни Г. ХIасановлул цIанийсса МахIачкъалаллал музыкалул училищалуву. Му дайдирхьунни С. Прокофьевлул музыкалийну. Композиторнал ряххилчинмур соната щаллу дунни дунияллул даражалийсса конкурсрал лауреат Диана Увайсовал. Гихунмай концерт­равух гьуртту хъанахъиминнал щаллу бунни дагъусттаннал композитортурал произведенияртту. Республикалийн ва форумравух гьуртту хьун бувкIсса хъамаллуралгу бавтIми хIайран бунни цалла усттаршиврийну, цала чивчусса произведениярттайну. Миннавасса ца ия цIа дурксса композитор, ххаллил­сса пианист Алексей Курбатов. Ва левххун увкIун ия МахIачкъалалив Москавлия хасну ва шадлугъравух гьуртту хьун ва ванал жулла республикалий дурссар дурагу 3 ссят.
Форум хьунни республикалул хъамал ва махъсса цинявппагу гьурттучитал рязийну личIансса даражалий.