Ноябрь зурул 21-нний хьунни цIу миналий буллалисса муххал конструкциярдал завод «Алмар Каспиан» тIитIаврил хIакъиравусса батIаву.
Шикку гьуртту хьунни ЦIуссалакрал райондалул бакIчи ХIажи Айдиев, «Алмар Каспиан» ЗАО-лул генеральный директор Явуз Алайбейоглу, ДР-лул Промышленностьрал ва машлул министерствалул вакилтал. Совещаниялий ххал бивгьунни завод зузи баврицIун бавхIусса цаппара масъалартту. Завод ноябрь зурул 25-нний тIитIин икьрал дунни.
Жамирду баврил ва бакьин баврил, строительствалуву ишла дайсса муххал конструкцияртту даврил хIакъиравусса инвестициялул проект щаллу буллай 1-мур этапрай дуллалисса давурттава ца хъанай дур ва завод тIитIаву. КIицI лавгсса проектрал сиптачитал хъанай бур инвестортурал фирма ЗАО «Алмар Каспиан».
