Дагъусттаннай 130-ннаяр ххишаласса юридийсса организациярдал ва ишбажаранчитурал ларсун дур таксилий зунсса ихтияр. Мунил хIакъираву бувсунни ДР-лул транспортрал, энергетикалул ва связьрал министерствалул.
Министерствалул бувсмунийн бувну, таксирдал шофертурал ва таксомотордал предприятиярттал даву низамрайн дуцаву мурадрай, республикалий дурну дур таксирдансса ихтиярдал реестр (сияхI).
Дагъусттаннай гужлан дурну дур кьюлтIну зузисса таксирду ххал буллалаврил даву. ДР-лул Минтрансэнергосвязьрал ГИБДД-лул зузалтращал ва ДР-лул Налогирттал къуллугърал управлениялул цачIу дуллай бур кьюлтIну зузисса таксирду ххал буллалисса рейдру.
Министерствалул бувчIин бувсса куццуй, Федерал закондалул тIалавшиндарайн бувну, куклусса таксилий халкь буцайсса циняв шофертурачIа дикIан аьркинссар мукун зунсса ихтияр (лицензия).
Чара бакъа минначIа дикIан аьркинссар путевой листру, дишин аьркинссар таксилул фонарь (горбушка) ва цаймигу таксилун хасъсса затру.
ЧIявуми таксилул шофертал бур налогирттал инспекциялул сияхIрай, амма минначIа цинявнначIа дакъар таксилий зунсса ихтияр, му дулайссар ДР-лул Транспортрал, энергетикалул ва связьрал министерствалул.
ХIадур бувссар
ХI. Аьдиловлул
