Щала Аьрасатнаву кунна, жулла республикалул сайки гьарцагу шагьрулий ва райондалий хьунни Аьрасатнал Халкьуннал цашиврул кьинилун хас дурсса шадлугъру. Ми шадлугъру даврил мурадгу бия республикалий ялапар хъанахъисса личIи-личIисса миллатирттал инсантурал дянивсса дусшиврул арарду, дакьаву, нахIушиву цIакь даву.
Бадрижамал Аьлиева
Республикалул муниципалитетирттай ва кьини хьусса шадлугъирттавух гьуртту хьуссар халкьуннал творчествалул коллективру, цайнува цивппа хьусса артистал.
Щаллагу республикалий тIивтIусса Аьрасатнал халкьуннал аслийсса культуралул центрдал коллективирттал ва Кьинилун хасну дунни личIи-личIисса выставкарду, фестиваллу, конкурсру, литературалул вечерду. Миннувух гьуртту хьунни жагьилтал ва оьрмулул бугьарами.
Къарабудахккантуллал, Къаяккантуллал, Къизилюртуллал, Ахъушиял, Лаващиял, Лакрал, Ккуллал, МахIарамккантуллал ва республикалул чIярусса цаймигу районнай хьунни митингру ва байрандалул концертру «Вместе мы едины», «В единстве наша сила», «Пою тебе, моя Россия!», «Под крылом России», «Россия – Родина моя!», «Мы вместе – мы едины!», «Россию сердцем обнимая!» лозунгиртталу.
Бабаюртуллал райондалий жагьилтурал дянив хьунни назмурду дуккаврил конкурс, луттирдал выставка «Моя Россия».
Буйнакскаллал райондалий мукунна хьунни луттирдал выставка «В единстве наша сила» ва концерт «Пою тебе, моя Россия», мукунна шеърирду буккаврил ва сурат дишаврил конкурсру.
Къизлардал райондалул шяраваллаву хьунни личIи-личIисса шадлугъру.
ЦIуссалакрал райондалий хьунни концерт «Моя Родина – Россия». Мунивух гьуртту хьунни райондалул шяраваллавасса балайчитал ва фольклорданул коллективру.
Гьарца райондалий ва шагьрулий цайва-цайва къабацIлан, Аьрасатнал Халкьуннал цашиврул байрандалул шадлугъру къархьусса сайки царагу муниципалитет къалирчIунни.
