ДР-лул КIулшивуртту дулаврил министерствалул пресс-службалул бувсунни, цIусса дуккаврил шинал дайдихьулий Дагъусттаннал школарттан 58 автобус букIлакIишиву.
И. Саидова
Федерал программалийн бувну, школарттал автобусирттал паркру цIу буккан буллай бур. Гьашину школарттан тIалав буллалисса 100 автобусрава, хIукуматрал итабавкьуну бур 58 автобус. Сентябрь зурул 15-ннийн автобусру бучIан най бур жула региондалийн. Эксплуатациялул чIун ларгсса, оьрчIал мюхчаншиву дуруччаврил тIалавшиннардан лайкь бакъасса автобусру баххана бувантIиссар цIуминнух.
Школарттансса автобусру машан ласаврин Федерал программалул итадаркьуну дуссия 3 млрд. арцул. Ва программалийн бувну 73 региондалун буллуссар 1860 цIусса автобус.
