ЧIявусса хьунабакьай ччаннал, каруннал ччя-ччяни хьхьа батIайсса инсантал, хьхьувай хъиннува.
Хъинну кумаг байссар ва халкьуннал даруврал:
— Дянивсса ца бакI лаччул марцI бувну, ссуссулийх бувккун, ялун 1 стакан марцI къадурсса (нерафинированный) пархтIутIул (подсолнечное) аьгъушиврул дутIайссар. Вайннущалсса пюрундалул банка дишайссар холодильникраву 3 гьантлийсса. ХIачIлан аьркинссар гьантлун 3-ла ца-ца чяйлул къуса, цIуну дурсса ца-ца чяйлул къуса лимондалул сокращал хIала дурну. ХIачIайссар кIюрххил дачIра ххюттуйн, ахттайннай ва гьанттайннай – дукра дукан дачIиссятрал хьхьичI, цирдалу, ялун щин къахIарчIун. Мунищала архIал ахттайннай ва гьанттайннай цIуну дурсса лимондалул сок дуккайссар никъурттайх, кьакьангу диртун, жуларду ларххун, уттубишайссар. КIира нюжмардува хьхьа батIлатIаву къурталссар.
