Майрал 31-нний МахIачкъалалив хьунни республикалул депутатътурал 1-мур форум, га хас бувну бия региондалий дуллалисса дахханашивурттаву Дагъусттаннал депутатътурал бугьлагьисса кIанттун.
Форум тIитIлай, Дагъусттаннал Халкьуннал Мажлисрал Председатель Хизри Шихсяидовлул бувсунни ва мероприятиялул мурад хъанай бушиву республикалул депутатътурал корпусрал даву лядуккан даву.
«ЦIанасса ппурттуву жунма лаласун аьркинни, циняв даражардал депутатътурал давурттайн хъар хъанай душиву политикийсса ва экономикалул ва социал тагьар. Республикалий циняв даражардал депутатътал бувчIуну бур сайки 9 азарваксса. Агарда жуватува гьарцаннал буниялагу, цин багьайкун буручларча избирательтурал мурадру, жущава хьунтIиссар бартбигьин ччими масъалартту», — увкунни парламентрал спикернал.
Ихтилатраву ганал бувсунни властирдал къулагъас дуллан аьркинсса цаппара масъаларттая. Миннувасса ца бур налогру дучIан дуллалаву.
Махъсса 3 шинал мутталий яла чанну налогру дучIайсса дур Къаяккантуллал райондалий, ххуйми ккаккияртту дур ЦIуссалакрал, Ккуллал, Сергокъалаллал районнал.
Парламентрал спикернал мукъурттийн бувну, республикалий тамансса давуртту дуллай бур агьалинал ахIвал ххуй баврин хаснугу.
Х. Шихсяидовлул бувсунни мукунма республикалий приоритетсса проектру бартдигьаврин хасну дурсса давурттал ва хьун дурсса ккаккиярттал хIакъиравугу.
Ганал увкусса куццуй, давурттал бущи анавар буккан буван аьркинни Цасса бувчIавурттал кьинилул – сентябрьданул 18-ннил хьхьичI.
Парламентрал спикернал мукъурттийн бувну, жагьилтуран аьркинссар политикалувунсса ххуллу байбишин.
Форумрай ихтилат бунни ДР-лул БакIчи Рамазан АьбдуллатIиповлул. Ганал увкусса куццуй, 2015 шинал бувчIавурттал компаниялул ляличIишиву дия тикку 23 региондалул партиялул отделение гьуртту шаву 5 партиялул отделениялун кIанай.
«БувчIавурттал хьхьичIсса конкуренция дикIан аьркинссар марцIсса ва аьчухсса, закондалул ххуллий, чIурду булайминнал хIурматрай», — увкунни ганал.
Форумрай ихтилатру бунни АьФ-лул ПаччахIлугърал Думалул депутат ХIажимет Сапараьлиевлул, ДР-лул ХIукуматрал Председательнал 1-ма хъиривчу Анатолий Карибовлул.
ХIадур бувссар
ХI. Аьдиловлул
